దక్షిణాది సినీ పరిశ్రమపై ప్రముఖ నటి Tamannaah Bhatia చేసిన వ్యాఖ్యలు ప్రస్తుతం చర్చనీయాంశంగా మారాయి. దక్షిణాది చిత్రాల్లో కథానాయికలకు పూర్తిస్థాయి స్వేచ్ఛ తక్కువగా ఉంటుందని, నటనతో పాటు గ్లామర్ను సమతుల్యం చేయాల్సిన పరిస్థితి ఉంటుందని ఆమె చేసిన వ్యాఖ్యలు వివాదానికి దారితీశాయి.
ఇటీవల ఓ ఇంటర్వ్యూలో మాట్లాడిన తమన్నా, హిందీ చిత్రసీమలో నటీనటులు తమ కెరీర్ను తాము కోరుకున్న విధంగా మలుచుకునే అవకాశాలు ఎక్కువగా ఉంటాయని పేర్కొన్నారు. కొందరు నటనకు ప్రాధాన్యం ఇచ్చే పాత్రలను ఎంచుకుంటే, మరికొందరు గ్లామర్ ఆధారిత పాత్రలతో ముందుకు సాగుతారని చెప్పారు.
అయితే దక్షిణాది చిత్రసీమలో మాత్రం నటనతో పాటు గ్లామర్కు కూడా సమాన ప్రాధాన్యం ఇవ్వాల్సి వస్తుందని ఆమె అభిప్రాయపడ్డారు. పురుషాధిక్యత ఎక్కువగా కనిపించే కథల్లో హీరోయిన్లను ఆకర్షణీయంగా చూపించడానికే ఎక్కువ ప్రాధాన్యం ఇస్తారని పేర్కొన్నారు.
తమన్నా వ్యాఖ్యలు సోషల్ మీడియాలో వైరల్ కావడంతో పలువురు అభిమానులు తీవ్రంగా స్పందిస్తున్నారు. తెలుగు, తమిళ చిత్రాల ద్వారానే ఆమెకు స్టార్డమ్ లభించిందని, అలాంటి పరిశ్రమలపైనే విమర్శలు చేయడం సరైంది కాదని నెటిజన్లు కామెంట్లు చేస్తున్నారు.
